Was this page helpful?

ERES NOVA EN ESF?

    Tabla de contidos
    Non hai encabezados

    Supoñemos que agora mesmo estás a aprender moito sobre Enxeñería sen Fronteiras. Ante calquera dúbida, acode á persoa responsable de voluntariado do teu grupo, ou á persoa responsable de voluntariado da túa sede. De todos os xeitos, é moi recomendable que lle botes unha ollada a estas axudiñas:

    - En ESF hai moitas siglas, non me entero!!! Aquí podes saber o que significan.

    - Se ademais hai un montón de conceptos novos que non entendes para iso está o Glosario

     -Listas de correo, ferramenta clave para a comunicación interna en ESF Galicia.

    - Propostas de formación: Estamos engadindo propostas en forma de itinerarios e enlaces formativos por temas para profundizar. Ademais podemos ir engadindo outras propostas que fagas. Aquí e aquí podes ir probando os teus coñecementos iniciais. Por outra banda, a asociación potencia moito a formación da base social e facilita oportunidades de formación tanto interna como externa.

    - O voluntariado en ESF é participativo e comprometido. Un é libre de expoñer as súas propostas e ideas no grupo e debatilas a ver si van para adiante ou non. Pero é importante saber o tempo de que se dispoñe e ao que un se compromete tratar de cumplilo ou avisar con tempo ao resto do grupo se non se vai poder asumir para ser axudado (porque xurden imprevistos, porque calculouse de menos o tempo que levaría unha actividade determinada, etc.). Iso é traballar verdadeiramente en grupo, asumir os compromisos e apoiarse entre os membros do grupo. Sen vergoña, pero con responsabilidade, xa que se non se avisa o resto do grupo ten que asumir o traballo, o cal se pode facer se se avisa con tempo (ou máis de urxencia por se algunha vez xurde un imprevisto, pero tratando de minimizar estes casos). A comunicación é importante!

    - O anterior aplica tamén cando falamos de grupos en vez de persoas, xa que se un grupo está inmerso nunha actividade que o está desbordando, pode e debe pedir axuda ao resto dos grupos da sede e mesmo do resto de Galicia. Seguro que a solidariedade que promovemos como valor a atoparás tamén no día a día de traballo na asociación. E non esquezas que tamén está o persoal contratado, que en ESF ten un papel de apoio e facilitación.

    - Se no desempeño de actividades esfeiras tes gastos e tes que adiantar o diñeiro, pide sempre facturas e xustificantes e gárdaos, tratando de non deixar pasar moito tempo antes de que pidas que cho devolvan a través do protocolo que hai para iso (e NUNCA dun ano para outro). Por favor, pasa todos os gastos que teñas, non penses que se deixas sen reclamar gastos é mellor para asociación porque así os aforra (aínda que a priori podería parecer que é así, en realidade é moi importante que todos os gastos pasen pola contabilidade da asociación para saber exactamente o que ser vai gastando e se imputen, se procede, ás subvencións que ESF teña concedidas; logo cando se che devolvan os cartos se queres poes doalos, pero non renunciedes a cobrar os gastos por ter que encher o protocolo de gasto, que leva só 2 minutiños!). É moi importante todo isto para a xestión orzamentaria da asociación.

    - Ademais, non esquezas encher CADA ANO o Compromiso de Voluntariado, descarga o modelo do enlace anterior ou pídello modelo á persoa responsable de voluntariado do teu grupo ou á responsable de voluntariado da túa sede e cando o enchas llo pasas a algunha destas persoas. Isto é importantísimo para estimar as persoas voluntarias que hai en ESF, ter os seus datos para contactalas se é preciso, ou poder contratar cada ano o seguro que cubre ás persoas voluntarias de ESF (así como que coñezas dereitos e deberes, que veñen no compromiso!).

    - LEMBRA: podes participar en calquer ámbito da asociación dende o principio, e aínda mellor se non sabes nada!

    Was this page helpful?
    Etiquetas (Edit tags)

    Arquivos 0

     
    Debe inicie sesión para enviar un comentario.